БНХАУ-ын буцалтгүй тусламжаар долоон сургууль, нэг цэцэрлэг барихаар болсон. Энэхүү хэлэлцээрийн хүрээнд Сонгинохайрхан дүүргийн 25, 26 дугаар хороонд  барих шинэ сургуулийн шав тавих ёслол боллоо.

Ёслолд УИХ-ын гишүүн Х.Нямбаатар, БСШУС-ын сайд Г.Чулуунбаатар, Нийслэлийн Засаг даргын орлогч Ш.Анхмаа, Сонгинохайрхан дүүргийн Иргэдийн Төлөөлөгчдийн Хурлын дарга Б.Мөнхцэцэг, Засаг дарга Ж.Сандагсүрэн, БСШУСЯ-ны Санхүү, эдийн засгийн газрын дарга Д.Батмагнай, Хөрөнгө оруулалт, Үйлдвэрлэлийн хэлтсийн дарга Н.Отгонбаяр болон холбогдох албаны хүмүүс оролцов.

25 дугаар хороонд барих сургууль нь Кембрижийн сургалттай байхыг ч холбогдох албаны хүмүүс энэ үеэр онцлов.

Монгол Улсын Засгийн газрын 2016-2020 оны үйл ажиллагааны хөтөлбөрт гурван ээлжтэй сургуулиудыг хоёр ээлжинд шилжүүлэх, хороо бүрийг цэцэрлэгтэй болгохоор тусгасан байна.