Улс төрийн хилс хэрэгт хэлмэгдэгсдийн дурсгалыг хүндэтгэх өдрийг жил бүрийн 9 дүгээр сарын 10-нд тэмдэглэдэг уламжлалтай. Сонгинохайрхан дүүргийн Иргэдийн Төлөөлөгчдийн Хурал, Цагаатгах ажлыг удирдан зохион байгуулах салбар комиссоос улс төрийн хилс хэрэгт хэлмэгдэгсэд, тэдний эхнэр нөхөр, үр хүүхэд, ач зээ нарыг хүлээн авч хүндэтгэл үзүүлдэг. Энэ жил 150 хүнд хүндэтгэл үзүүлж гарын бэлэг гардууллаа. Үүнээс өөрөө хэлмэгдсэн болон буудан хороогдсон хэлмэгдэгсдийн үр хүүхдийн төлөөлөл 28 хүнийг Иргэдийн Төлөөлөгчдийн Хурлын дарга Б.Мөнхцэцэг албан өрөөндөө хүлээн авч хүндэтгэл үзүүллээ.