Сонгинохайрхан дүүргийн хэмжээнд 17 буддын сүм хийд үйл ажиллагаа явуулдаг. Эдгээр сүм хийдүүдийн төлөөллүүд 2015 оны арваннэгдүгээр сарын 26-ны өдөр дүүргийн Тэргүүн лам нарын зөвлөлийг байгуулан өдийг хүртэл ажиллаж байна.

Тус зөвлөл нь улирал бүр хуралдаж нийгэмд тустай ажлуудыг хийсээр ирсэн. 2017 оны 11 дүгээр сарын 13-ны өдөр Цагдаагийн I II III  дугаар хэлтсийн гэмт хэргээс урьдчилан сэргийлэх, нийтийн хэв журмыг хамгаалах ажилд зориулан эргүүлийн хантааз бэлэглэснийг Жүрмэддэчэнлин хийдийн хамба лам О.Энхболд , дүүргийн Иргэдийн Төлөөлөгчдийн Хурлын Гэмт хэргээс урьдчилан сэргийлэх ажил, шашин сүм хийд, төрийн бус байгууллага хариуцсан ажилтан Ц.Мөнгөнзул нар гардуулан өглөө.