Сонгинохайрхан дүүргийн Иргэдийн Төлөөлөгчдийн Хурлын Тэргүүлэгчид 2018.04.17-ны өдөр хуралдаж Өрхийн эрүүл мэндийн төвүүд, дүүргийн нутаг дэвсгэрт үйл ажиллагаа явуулж байгаа Эмийн сангуудын үйл ажиллагаанд хяналт, шалгалт хийх ажлын хэсгийг тус тус байгуулж, ажлын удирдамжийг баталлаа. Мөн Тэргүүлэгчдийн 2017 оны А/66 дугаар тогтоолоор байгуулагдсан Агаар орчны бохирдлыг бууруулах салбар хорооны төлөвлөгөөний биелэлт, тайланг хэлэлцэж, цаашид анхаарах асуудлын талаар зөвлөмж өглөө.