Сонгинохайрхан дүүргийн Иргэдийн Төлөөлөгчдийн Хурлын ээлжит 6 дугаар хуралдаан хуралдах гэж буйтай холбоотойгоор хурлын дэргэдэх Төсөв, санхүү, эдийн засгийн хороо болон Хот байгуулалт байгаль экологи, газрын асуудал хариусан ажлын хороо өнөөдөр хуралдлаа. Төсөв, санхүү эдийн засгийн хорооны хурлаар дүүргийн 2017 оны төсвийн гүйцэтгэл батлах тухай, 2018 онд хэрэгжүүлэх хөрөнгө оруулалтын ажлын жагсаалт шинэчлэн батлах тухай асуудлуудыг хэлэлцсэн бол Хот байгуулалт, байгаль экологи, газрын асуудал хариуцсан ажлын хорооны хурлаар Орон нутгийн тусгай хамгаалалттай Баянхошуу уул, хайрханы хилийн цэст өөрчлөлт оруулах тухай, Газар зохион байгуулалтын 2018 оны төлөвлөгөөнд нэмэлт өөрчлөлт оруулах тухай асуудлуудыг тус тус хэлэлцлээ.