Сонгинохайрхан дүүргийн Гэмт хэргээс урьдчилан сэргийлэх ажлыг зохицуулах зөвлөл, Хурлын ажлын албаны дэргэдэх Иргэний танхимаас хороодын дунд зохион байгуулж буй “Хөгжилд хамтдаа” 2 сарын хугацаатай болзолт уралдааны хүрээнд дүүргийн Иргэдийн Төлөөлөгчдийн хурлаас томилогдсон ажлын хэсэг 2014 оны 10 дугаар сарын 21-нд “Өнөр бүс”, 10 дугаар сарын 22-нд “Баянхошуу бүс”, 10 дугаар сарын 23-нд “Төвийн” бүсүүдээр тус тус явж уралдааны явц байдалтай газар дээр нь танилцаж мэргэжил аргазүйн зөвлөгөө өглөө.

Зарим нэг хороодын дарга нар эзгүй, эрүүл мэндийн шалтгаантай, эмнэлэгт хүн сахиж байсныг эс тооцвол бусад хороод тус болзолт уралдаанд зориулж төлөвлөгөө гаргаж, нилээд ажлуудыг хийж хэрэгжүүлж байгаа нь тод харагдлаа. Ажлын хэсгийн бүрэлдэхүүнд: Иргэдийн Төлөөлөгчдийн Хурлын ажлын албаны дарга Ш.Бат-Өлзий Иргэдийн Төлөөлөгчдийн Хурлын ажлын албаны ГХУС-х ажил хариуцсан ажилтан Б.Будмаа Иргэдийн Төлөөлөгчдийн Хурлын ажлын албаны хороод хариуцсан ажилтан Ц.Мөнгөнзул Иргэдийн Төлөөлөгчдийн Хурлын ажлын албаны дэргэдэх Иргэний танхимын бүс хариуцсан ажилтнууд тус тус хамрагдаж явлаа. Уг болзолт уралдаан 11 дүгээр сарын 20-нд өндөрлөж дүнгээ гаргах юм. Хороодын дарга нартаа, ГХУСАЗДЗ-ийн гишүүддээ өндөр амжилт хүсье. “Толгойт” бүсийн хороодын ажилтай ирэх 7 хоногт танилцахаар төлөвлөөд байна.