Монгол Улсын Их Хурлын сонгуулийн тухай хуулиас
29 дүгээр зүйл. Нэр дэвшүүлэх нийтлэг журам
29.1 Сонгуульд оролцохоор бүртгүүлсэн нам, эвсэл нэр дэвшүүлэх ажиллагааг санал авах өдрөөс 45 хоногийн өмнө эхлүүлж, долоо хоногийн хугацаанд дуусгана.29 дүгээр зүйл. Нэр дэвшүүлэх нийтлэг журам
29.2 Бие даан нэрээ дэвшүүлэх ажиллагааг санал авах өдрөөс 45 хоногийн өмнө эхлүүлж, долоо хоногийн хугацаанд дуусгана.
/2020.05.10-аас 2020.05.16-ныг дуустал /
31 дүгээр зүйл. Бие даан нэр дэвшүүлэх
31.1 Энэ хуульд заасан шаардлагыг хангасан иргэн бие даан нэр дэвшиж болно.
31.2 Бие даан нэр дэвшүүлэгч нь Сонгуулийн ерөнхий хорооноос баталсан маягтад тухайн сонгуулийн тойргийн 801-ээс доошгүй тооны сонгогчдын гарын үсгийг зуруулна.
31.3 Аймаг, дүүргийн сонгуулийн хороо нь Сонгуулийн ерөнхий хорооноос баталсан маягтыг тэмдэг дарж баталгаажуулан бие даан нэр дэвшүүлэгчид энэ хуульд заасан нэр дэвшүүлэх ажиллагаа явагдаж эхэлсэн өдрөөс олгоно.