Сонгинохайрхан дүүргийн 43 хороодын ХӨРШИЙН ХЯНАЛТЫН бүлгийн гишүүдийг чадавхжуулах сургалтыг 2024 оны 09 сарын 23-ны өдрөөс 10 сарын 1-ний өдрийн хооронд зохион байгуулж байна. Хуваарийн дагуу 7, 8, 9, 10, 11, 28, 31 хороодын гишүүдэд ажил үүргээ гүйцэтгэхэд шаардлагатай мэдээллүүдийг дүүргийн Онцгой байдлын хэлтэс, Дэлхийн Зөн Монгол ОУБ-ын Сонгинохайрхан дүүргийн орон нутгийн хөтөлбөр хамтран хүргэлээ.

Тус сургалт Гал түймэр унтраах, аврах 26-р ангийн сургалтын танхимд дараах чиглэлээр зохион байгуулсан юм.

- Гамшгийн тухай ойлголт

- Гал түймрийн аюулаас урьдчилан сэргийлэх

- Газар хөдлөлтийн үед аюулгүй байдлаа хангах

- Гамшгаас хамгаалах тухай хууль - Гамшгаас хамгаалах сайн дурын ажиллагааны нийтлэг журмуудын талаар Онцгой байдлын хэлтсийн Ахлах мэргэжилтэн Хошууч С.Должинсүрэн, мэргэжилтэн Дэслэгч Б.Дэлгэрзаяа нар мэдээлэл өглөө.

Өнөөдөр буюу 09 сарын 24-ний өдөр дүүргийн 12, 13, 14, 15, 16, 17, 43 дугаар хороодын Хөршийн хяналтын бүлгийн гишүүдэд сургалтыг хуваарийн дагуу зохион байгуулна.