Гэр хорооллыг дахин төлөвлөлтийн үйл ажиллагааны явцыг хэрэгжүүлэхэд төр, хувийн хэвшил, иргэдийн харилцан уялдаа уялдаа холбоог сайжруулах, мэдээ мэдээллээр хангах зорилготой уулзалт хэлэлцүүлгийг зохион байгууллаа. Уулзалт хэлэлцүүлгийг Улаанбаатар хотын Захирагчийн Наран дахь ажлын алба, Сонгинохайрхан дүүргийн Иргэдийн хурлын төлөөлөгчид, СХД-ийн Эдийн засаг, төлөвлөлтийн хэлтэс хамтран зохион байгуулсан. Хэлэлцүүлэгт Сонгинохайрхан дүүргийн Засаг дарга, Улаанбаатар хотын Захирагчийн Баянхошуу дахь ажлын алба, Улаанбаатар хотын Захирагчийн Толгойт дахь ажлын алба, Нийслэл, дүүргийн иргэдийн төлөөлөгчдийн хурлын төлөөлөгчид, ажлын албад, Нийслэлийн Гэр хорооллын хөгжлийн газар, Нийслэлийн Гэр хорооллыг орон сууцжуулах төслийн газар , СХД-ийн 1, 2, 5, 6, 7, 10, 20, 28, 30-р хороодын Засаг дарга нар төсөл хэрэгжүүлэгч “НАЗУ проперти” ХХК, “ТОБ групп” ХХК, “Хера пропертийз” ХХК, “Жи Ди” ХХК, “Хас харш” ХХК, “Стандарт проперти” ХХК, “Монгол Дайван” ХХК-иуд оролцлоо. 2015 оны барилга, бүтээн байгуулалтын ажил эхэлсэнтэй холбогдуулан гэр хорооллын дахин төлөвлөлтийн төслийн хүрээнд төрийн байгууллага, төсөл хэрэгжүүлэгч аж ахуй нэгж, иргэдийн оролцооны хамтын ажиллагааг хэрхэн сайжруулах талаар хэлэлцсэн. Харин Гэр хорооллын хөгжлийн газрын дарга Ш.Ганхуяг иргэдэд СХД-ийн нутаг дэвсгэрт дахин төлөвлөлтийг хэрхэн хэрэгжүүлж байгаа талаар, Гэр хорооллыг орон сууцжуулах төслийн газрын дарга А.Лхагвадорж “СХД-т газар шинэчлэн зохион байгуулах ажлын талаар мэдээлэл хийсэн юм. Үүний дараа төсөл хэрэгжүүлэгч компаниуд төслийн хэрэгжилтийн явц болон тулгамдаж буй асуудлын талаар мэдээлэл хийж харилцан санал солилцсон юм. Уулзалт хэлэлцүүлгийн хаалтыг Улаанбаатар хотын Захирагчийн Наран дахь ажлын албаны дарга Ш.Эрдэнэтуяа хийлээ гэж Улаанбаатар хотын Захирагчийн Наран дахь ажлын албанаас мэдээллээ.
