Монгол Улсын Ерөнхийлөгчийн зарилгаар дүүргийн 136 иргэн өчигдөр төрийн дээд одон медалиар энгэрээ мялаалаа. Тэдгээр иргэдтэй хамт дүүргийн Иргэдийн Төлөөлөгчдийн Хурлын Төлөөлөгч 2, хорооны Иргэдийн Нийтийн Хурлын дарга 1 албан хаагч мөн шагнагдсан юм.

Тодруулбал, дүүргийн 32 дугаар хорооны Иргэдийн Нийтийн Хурлын дарга Н.Очир Хөдөлмөрийн гавьяаны улаан тугийн одонгоор энгэрээ мялаасан бол Иргэдийн Төлөөлөгчдийн Хурлын Төлөөлөгч Б.Мягмарсүрэн, Д.Чинбат нар Алтан гадас одон хүртлээ. Дүүргийн “Иргэний танхим”-д болсон шагнал гардуулах ёслолын дараа ИТХ-ын Ажлын албаны дарга О.Бат-Ирээдүй тэднийг албан өрөөндөө хүлээн авч баяр хүргэн, хүндэтгэл үзүүллээ.