Дүүргийн Иргэдийн Төлөөлөгчдийн Хурлын Тэргүүлэгчдийн тогтоолоор байгуулагдсан ажлын хэсэг Орон нутгийн төсвийн 2016 оны 1 дүгээр улирлын төсвийн орлого бүрдүүлэлт, төсвийн зарлагын гүйцэтгэлд хяналт шалгалт хийж байгаа билээ. Энэхүү ажлын хэсгийн гишүүд болох дүүргийн Иргэдийн Төлөөлөгчдийн Хурлын Тэргүүлэгч, Санхүү, эдийн засгийн хорооны дарга Ж.Сандагсүрэн, Төлөөлөгч Б.Мягмарсүрэн, Г.Билгүүн, Д.Энхжаргал, Д.Чинбат нар өнөөдөр дүүргийн төсвийн орлого бүрдүүлэлт, зарлага санхүүжилтэнд тулгамдаад буй асуудлууд, түүнээс гарах арга замын талаар Засаг даргын Тамгын газрын Санхүү, төрийн сангийн хэлтэс болон Татварын хэлтсийн холбогдох албан тушаалтнуудтай уулзаж ярилцлаа.