Сум, дүүргийн Иргэдийн Төлөөлөгчдийн Хурлын сонгууль хэдхэн хоногийн өмнө болж өнгөрсөн. Тэгвэл өнөөдөр Сонгинохайрхан дүүргийн ИТХ-ын шинэхэн төлөөлөгчид түр үнэмлэхээ гардаж авлаа.
Тус дүүрэг ИТХ-ын 41 төлөөлөгчтэй бөгөөд энэ удаагийн сонгуулиар МАН 39, АН 2 суудал авч, дүүргийн ИТХ-ыг бүрдүүлж байна. Дүүргийн хэмжээнд 205 мянга орчим сонгогч байдгаас энэ удаагийн орон нутгийн сонгууль болон нэмэлт санал хураалтад нийт 105817 сонгогч саналаа өгч, дүүргийн хэмжээнд сонгуулийн ирц 54.1 хувьтай гарсан.