Дүүргийн иргэдийн Төлөөлөгчдийн Хурлын Тэргүүлэгчдийн санаачилгаар эхлүүлсэн “Хамтдаа шийдье” арга хэмжээ Толгойт, Төвийн бүсийн хороодод 05 дугаар сарын 06-наас 09-ны өдрүүдэд зохион байгуулагдсан бол энэ удаад Өнөр, Баянхошуу бүсийн хороодод үргэлжлэн хэрэгжлээ “Хамтдаа Шийдье” уулзалтад тус хороодоос сонгогдсон дүүргийн Төлөөлөгчид болон дүүргийн ЗДТГ-ын хэлтэс албад, Засаг даргын эрхлэх хүрээний харьяа байгууллагуудын удирдлагууд, зэрэг нийт 25 байгууллагуудын холбогдох мэргэжилтнүүд бүрэлдэхүүнээрээ оролцож иргэдийн санал хүсэлтийг сонсож зарим шийдэх боломжтой асуудлыг газар дээр нь шийдвэрлэж ажилласан юм. Иргэдээс гарсан санал хүсэлтийг судлан шийдвэрлэж хариу мэдэгдэж ажиллах бөгөөд бүтээлч санал санаачилгуудыг цаашдын бодлого шийдвэртээ тусган үр дүнг та бүхэнтэйгээ эргэн хуваалцах болно. Уулзалтад идэвхтэй оролцсон иргэддээ баярлалаа.

Дүүргийн иргэдийн Төлөөлөгчдийн Хурлын Тэргүүлэгчдийн санаачилгаар өрнөж буй “Хамтдаа шийдье” арга хэмжээ 25 дугаар хороон дээр боллоо. Уулзалтад тус хороодоос сонгогдсон дүүргийн Төлөөлөгчид болон дүүргийн ЗДТГ-ын хэлтэс, Засаг даргын эрхлэх хүрээний харьяа байгууллагуудын удирдлагууд, холбогдох мэргэжилтнүүд бүрэн бүрэлдэхүүнээр оролцож иргэдээс тавьсан санал хүсэлтийг мөн бичгээр хүлээн авч зохих хариултуудыг өгч, зарим шийдэх боломжтой асуудлыг газар дээр нь шийдвэрлэж ажиллалаа. Иргэдийн санал хүсэлтийн дийлэнх нь газар эзэмших болон өмчлөх эрх, дэд бүтэц тохижилт, бүтээн байгуулалт, зам талбай, халамжийн үйлчилгээ, эрүүл мэндийн тусламж үйлчилгээ зэрэг асуудлууд байсан бөгөөд иргэдийн санал хүсэлтийг судлан шийдвэрлэх талаар арга хэмжээг авч хариу мэдэгдэж, цаашдын бодлого шийдвэртээ тусган үр дүнг та бүхэнтэйгээ эргэн хуваалцах болно. Уулзалтад идэвхтэй оролцсон иргэддээ баярлалаа.

2019 оны 05 дугаар сарын 31-ны өдөр 32 дугаар хорооны нутаг дэвсгэрт байрлах Сонгинохайрхан уулыг “Сонгинохайрхан уулын тахилга-Иргэдийн баяр” нэртэйгээр дүүргийн иргэдийн Төлөөлөгчдийн Хурал, дүүргийн Засаг даргын тамгын газар, Ялгуусан хутагт сантай хамтран тахих ёслол зохион байгууллаа. Тус арга хэмжээнд дүүргийн ИТХ-ын дарга Б.Мөнхцэцэг, Засаг дарга Ж.Сандагсүрэн, УИХ-ын гишүүн Х.Нямбаатар, Ц.Гарамжав, НИТХ-ын Төлөөлөгч Б.Бямбадорж, С.Мөнхчулуун, дүүргийн Иргэдийн Төлөөлөгчдийн Хурлын Төлөөлөгчид, дүүргийн Засаг даргын Тамгын газрын дэргэдэх харъяа хэлтэс албадын дарга нар, Хороодын Иргэдийн Нийтийн Хурлын дарга, Засаг дарга, иргэд оролцлоо. Мөн арга хэмжээний үеэр дүүргийн харъяа хэлтэс албад иргэдэд төрийн үйлчилгээ үзүүлж ажилласан бөгөөд иргэдийн баяраар Улс, аймгийн цолтой 64 бөх, Сур харваанд Монгол улсын мэргэн 10, спортын мастер 30, залуу харваачид нийт 82 харваач оролцсон бол шагайн харваанд 17 багийн 130 гаруй мэргэн харваачид оролцлоо. Мөн хүй долоон худагт дааганы уралдаан зохион байгуулж 30 гаруй даага уралдсанаас төв аймгийн Баянчандмань сумын харъяат н.Бат-Эрдэнийн бор даага нэгт хурдаллаа. “Сонгинохайрхан уулын тахилга-Иргэдийн баяр”-ын арга хэмжээнд түрүүлж, үзүүрлэсэн бөх, дааганы уралдаанд айргийн тавд хурдалсан морьд, сур болон шагайн харваанд оролцон шагналт байранд шалгарсан мэргэн харваачидад медаль, өргөмжлөл, мөнгөн шагнал гардуулснаар тус арга хэмжээ өндөрлөлөө.

тэргүүлэгчид